Hè ghjunta l'ora di a rientrata, infine sò compie e vacanze d'estatine, e ghjurnate sane à u mare, e serate infiarate di u mese d'aostu è ancu u batticore chì ghjunghje cù elle. Hè ora
avà di lascià u so caru paese per ringhjunghje a cità, è ripiglià u ritimu di a scola...
Ci simu a issu famosu quattru di sittembre è à tempu ch'ellu spuntava lu ghjornu si pisò
Ornella cù u laziu chì accumpagnava sempre u primu ghjornu di corsu. À partesi d'oghje è
per i novi mesi chì venenu sarà à stessa cumeria ogni mane : svegliassi à l'alba, francà u
corsu Paoli, vede sempre e listesse parsone, seguità i corsi, vultà si nè in casa, era cusì
l'invernu in Bastia. Ma per una volta e cose avianu da cambià, issu sguardu pessimu di a
vita bastiaccia avia da esse sguassatu da a riscontra di un ghjuvanottu chì ha da riempie u
core d'Ornella d'appena di culore è di gioia. Ghjuvan’Filippu si chjamava. Un masciettu di
vint’anni assai maiò, cù li capelli è l'ochji neri neri chì vi davanu u sintimu d'esse tombu ogni
volta ch ´ellu vì fighjava. Issu zitellu era Aiaccinu è si n'hè cullatu in Bastia per pudè compie
i so studii. Postu ch´ellu ùn cunniscia à nimu, Ornella ne prufittò per fà a so cunniscenza è
chjachjarà appena cun ellu. Eccu u principiu d'una longa storia...
Qualchì mese dopu à a so riscontra quand´ella vidia chì i sintimi trà i dui ghjuvanotti eranuserii, Ornella prisintò u so cumpagnu à a so mammone.
Quand´ellu a vidia, u zitellu si ne firmò l'ochji sburlati,e duie altre ùn capiscianu a so
reazzione è quand´elle dumandavanu s'ellu ci era un prublema u poveru ripigliava
cunniscenza scusendu si da u so cumportamentu. Parechji ghjorni sò passati è Ghjuvan ´
Filippu ùn avia ancu vulsutu dì parchè hè statu cusì stumacatu davantu à Mma Leccia.
Dopu meziornu invece chì Ornella ùn era in casa, Ghjuvan ´ Filippu andava à visità a
vichjetta per pone li qualchì quistiona annant’à a so famiglia, u so passatu ma
sempre senza spiegà parchè.
Trè ghjorni più tardi u ghjuvanottu disse à Ornella ch’ellu avia fattu un gattivu sognu, chì d'appressu à ellu ùn hè un sognu frà tant’altri è ch’ellu li si pare ch’ellu vole dì qualcosa.
Li spiega chì sò parechji i sogni duve vede u visu di a so mammona è hè per quessa ch’ellu era statu cusì surpresu quand’ellu u scuntrò ma ùn sà parchè hè ella chì sì fece vede ind’i so sogni.
Dopu à issa dichjarazione assai spiziale a zitella circà spiegazione per pudè capì parchè a so mammò sbarcava ind’i sogni di u so cumpagnu ancu quand´elli ùn si cunniscianu, ma nimu ùn era capace à risponde si n'andò dunque à cunsultà un´ indivina in Toga per
pruvà à andà più luntanu ind’e so ricerche.
Quessa quì dinù ùn pudia spiegà issi sogni stragni ma fighjendu e carte ella vidia chì di
fattu ci era una vichjetta chì ha dà tene prublemi assai particularii ùn sò micca s'ella hà da
esse vittima ò culpevule d'un drama ma ci hè qualcosa chì s'hà da passà in giru à ella.
Dopu à issa dichjarazione a zitella hà da passà tuttu u so tempu libaru cù a so caccara.
Dui ghjorni più tardi, Ghjuvan' Filippu si svegliò impauritu cù l'ochji carchi à lacrime: "ci era un cacciadore, è l'hà tombu lu cignale, l'hà tombu! Ma quand'ellu s'hè avvicinatu per piglià lu, u visu di l'animale era rimpiazzatu da quellu di Mma Leccia." Eccu u svegliu chì schjarisce tuttu ciò ch'avia dettu l'indivina, a corcia donna avia da esse vittima di
malamorte. À l'annunziu d'issa nutizia Ornella fece u giru di a casa per pudè curà a so
mammona ma nimu, si ne falò annant'à u corsu per circalla, passendu per ogni locu
induve avia l'abitudine di piantà si quì dinù ùn ci era nimu. Addisperata a povera zitella si
piantò in un caffè duve Mma Leccia era certe volte per avè appena d'aiutu, è cum'ella
francò u sogliu si sintia un frombulu tremendu è mughji à sveglià i morti. Eppò nunda u
silenziu era pisante, quand’ella si vultò Ornella ci era annant'à a strada una vittura à
mezu è qualchissia in terra, senza avè vistu a parsona, a ghjuvanotta sapia chì era a so
mammona chì era quì, ùn sapia chì fà, è si n'andava versu a vittima, lampendusi adossu
pinghjendu, strappendu u core d'ogni parsone chì a fighjava.
Ancu s'ella hà fattu tuttu ciò chì ci vulia per pudè salvà la a so caccara Ornella si sintia
culpevule di a so morte, è era ancu di più culpevule, d'appressu à ella, d'avè fattu cunfienza
à issu stragneru ch’ellu era Ghjuvan'filippu, hè colpa soia à issu mazzeracciu, hè ellu chì
l'avia annunziatu a so morte.
Dopu à a morte di a so mammona, Ornella si n'andò di Bastia dicendu ch'ellu ùn ci hè nunda chì a ritenia quì, ch'ùn ci sò chè parsone chì li vulianu u male, senza maì capì chì era u destinu chì l'avia messu annant'à a listessa strada chì Ghjuvan'filippu, chì u ghjuvanottu era quì per pudè privene la senza esse capace di cambià qualcosa à ciò ch'elli avianu dettu i sogni.
