Cumu fà svià un trenu?

Da a macagna à l'impresa terrurista, a pulizza face vede a so reattività è u so geniu.... Una cacciata ritrova nant'à u so telefuninu hà custatu una guardia à vista di 24 ore à un giovanu picard dopu a dinunzia da u so uperatore Bouygues...

«Pour faire dérailler un train, t'as une solution ?»
U scandalu di quellu affare ridiculu ùn hè micca u cuntenutu di u missaghju ma chì un impiegatellu di Bouygues si possa permette nun solu di furzà l'intimità di u telefuninu di stu giovanu ma dinù di dinunzià lu à a pulizza. Invece d'arrestà u simplicciottu linguifurciutu, hè u giovanu chì hè statu suspittatu d'avè vulsutu fà svià un trenu... Parenu fole!

Attenti à i SMS!
Dopu l'affaracciu di Tarnac è e mancanze à u rispettu di a prucedura in l'affare Colonna, a pazzia securitaria si cerca una ghjustifica incù u "principiu di precauzione". Ma a saviezza di Benjamin Franklin dicia : “The man who trades freedom for security does not deserve nor will he ever receive either”. Oghje ghjornu, u sviluppu di e tennulugie, u marcatu securitariu è u penseru terruristu accrescenu a pressione di e forze di "securità" nant'à e libertà publiche.

L'AMG 800 in u fossu?
In quantu à u nostru caru trinichellu, unepochi si lagnavanu di a so morte prugrammata, rimpiazzatu ch'ellu serà da un toccu d'AMG 800. Ch'elli si ralegrinu, u trenu novu sarebbe ancu menu commodu chè u vechju. "A Corsica serà di male in peghju", ùn hè?

google2f599bdb78a588fd.html

macagna trinichellu train corse securite terrorisme liberte surveillance big brother